Adi Beuteung

Adi Beuteung

Hirup rumah tangga mah, salaki jeung pamajikan pasti aya pakterok. Model Nyi Emeh jeung Jang Kardun. Ti peuting keneh maranehna pasea. Jang Kardun kapaksa sare di tepas, Nyi Emeh ge kapaksa sare sorangan. Tapi lantaran ngarasa ngagarap kebon perlu dianggeuskeun, isukna isuk-isuk keneh duana arindit. Bareng inditna teh. Ngan da keur pasea, duana pada jarempe bari baraeud. Rek nepi pisan ka kebon, Jang Kardun jeung Nyi Emeh ninggali puluhan embe di tegalan. Bubuhan keur ambek, Jang Kardun jol ngomong. "Tah eta nu ditegalan adi-adi maneh, Emeh," omongna. "Enya, adi beuteung," jawab Nyi Emeh. (*)