Untung ...

Untung ...

DASAR Si Cepot, unggal Semar ngomong, sok ateul biwir mun teu nempas. Masih lamun teu pikakeuheuleun mah bahasana teh. Kitu oge harita, Semar keur mapatahan anak-anakna. "Tah kajadian ieu teh kudu jadi pieunteungeun keur urang sarerea. Ari jadi pupuhu nagari mah ulah sologoto...," ceuk Semar teu kebat. "Ku teu ari-ari atuh! Kawas barudak leutik wae make jeung maraen galah sodor," tempas Cepot, teu nyambung. "Regepkeun heula atuh ari kolot keur cumarita teh, jadi teu salah ngamaknaan," ceuk Semar. Digeunggeureuhkeun teh Si Cepot ngadon norocos. Bakat ku keuheul, tunngtungna ku Semar diciduhan. Cuah!!!... keuna kana beungeutna pisan. "Leuh... bapa aing ambek euy. Jeung nyiduhan sagala. Untung kana beungeut... Lamun kana baju mah geuleuh euy!..." gereneng Si Cepot nari nyusutan beungeutna anu lamokot ku ciduh Semar. (Budhi JN)***