Nini Mata Duitan
Sebut we Nini Uti. Anjeunna teh urang Selaawi, yuswana leuwih 80 taun. Lantaran geus sepuh pisan, anjeunna pikun jeung titingalianna geus teu jelas. Nu aneh, kana duit mah tetep we apal. Mana nu sarebu, sapuluh rebu, jeung 100 rebu, anjeunna awas pisan.Hiji waktu, Farni, incuna nganjang ka Nini Uti. "Saha tea ieu teh?" tanya Nini Uti bari nyekelan leungeun Farni. "Farni, Ni, ti Garut Kota, nu kamari ka dieu" ceuk Farni. "Oh enya Farni tea," Nini Uti ngusapan. Farni ngusiwel kana pesakna nyokot duit. Song dibikeun ka Nini Uti. "Hatur lumayan Nini, kanggo meser lemareun," omongna.Sugan teh rek atoh, ari pek Nini Uti ngadon ngahuleng. "Teu pangih mangbulan-bulan maenya ngan mere sapuluh rebu," ceuk Nini Uti. Farni gogodeg. (Farhan)***
0 comments:
Post a Comment