Nomer Mobil

Nomer Mobil

Kang Memen teh Satpam di hiji perusahaan di Garut Kota. Boga mobil ayeuna mah. Najan mobil kolot, lumayan jagjag. Ari parkirna biasa handapeun tangkal caringin di pakarangan perusahaan tempatna gawe. Hiji waktu mobil Kang Memen aya nu maok. "Dibongkar pantona, Pa. Tiluan bangsatna teh," ceuk tukang es nu biasa nagog di pakarangan perusahaan Kang Memen, hariweusweus. "Naha atuh teu digorowokeun?" ceuk Kang Memen ambek. "Sieun Pa, da sirah abdi ditodong ku pestol. Kapaksa jempe. Mung ari nomor mobilna mah alhamdulillah kacatetkeun, bilih bade lapor ka pulisi," jawab tukang es bari ngasongkeun keretas nu aya nomor plat mobil Kang Memen.

"Belegug siah. Teu kudu dicatetkeun, piraku dewek teu apal kana nomor mobil sorangan," ceuk Kang Memen bari ngababetkeun keretas nu diasongkeun ku tukang es. (Jangs)***