Tong Nyebut Abah

Tong Nyebut Abah

Teng manuk teng anak merak kukuncungan. Uyah mah tara tees ka luhur. Kitu ceuk paribasa. Hartina, sifat kolot pasti nurun ka anak. Model Si Itok, anak si Kabayan, lantaran bapana bantangul nya anakna ge bedegong. Harita teh rek ujian.
"Tok, lamun nilai ujian goreng, maneh tong nyebut deui abah ka dewek," ceuk Kabayan.
Si Itok teu ngajawab.
Sanggeus ujian, si Kabayan nanya deui ka si Itok.
"Kumaha nilai ujian teh, Tok, alus?"
Najan asa-asa si Itok ngajawab.
"Eu..eu..goreng Kabayan," ceuk si Itok bari langsung ngaberetek lumpat ka luar.
Si kabayan gogodeg. (Jang)***