JANG Akim keur meujeuhna celembeng. Ma'lum umurna kakara nincak tilu taun. Tapi, sanajan ololeho keneh Jang Akim kaitung calakan. Jiga harita, Jang Akim dites ngitung ku indungna. "Kim... dua tambah lima sabaraha?" tanya Ceu Entin. "Tujuuuuhhh!" tembal Jang Akim sigep. "Opat welas bagi dua?" ceuk Ceu Entin deui. "Tujuuuuuuhhhh!" tembal Jang Akim. "Genepbelas dikurang sapuluh ditambah hiji?" Ceu Entin mere soal nu rada hese. "Tuujuuuuuuuhhhh!" ceuk Jang Akim deui. Ngadenge jawaban Jang Akim, Ceu Imas olohok. "Euleuh-euleuh..., meni pinter A Akim mah!" Ceu Imas muji. Tapi Jang Akim cuek bebek teu malire. "Ari opat ditambih opat sabaraha?" Ceu Imas panasaran. "Tuuuujjjjjjuuuuuhhhhh!" tembal Jang Akim lempeng. "Ohhhh.... nembe tiasa nyebat angka tujuh wungkul gening nya ari kitu mah," ceuk Ceu Imas bari nyeukeukeuk. (Budhi JN)***
0 comments:
Post a Comment